Nasakmit sa General Santos City Highway Patrol Team (GSCHPT) ang dungog sa ilang yunit human makuha ang TOP 1 taliwala sa tanang Highway Patrol Teams sa tibuok Region 12 alang sa bulan sa Oktubre 2026.
Ang maong kalampusan nagpakita sa dedikasyon, disiplina ug panaghiusa sa mga personahe sa pagtuman sa ilang mandato nga mapalambo ang kahapsay ug kaluwasan sa kadalanan, mapatuman ang mga balaod sa trapiko ug masiguro ang kaluwasan sa publiko.
Gipangulohan ang GSCHPT ni PMAJ Rhandee S. Sibal, City Chief, ubos sa pagdumala ni PLTCOL Cristopher C. Guste, Acting Chief sa Regional Highway Patrol Unit 12 (RHPU 12).
Gipasalamatan ug gidayeg usab ang tanang personnel sa GSCHPT tungod sa ilang kakugi, maayong pagtinabangay ug padayong paghatag og dekalidad nga serbisyo sa katawhan.
Gilauman nga magsilbi kining kalampusan nga inspirasyon sa yunit aron mas mapalig-on pa ang ilang mga operasyon ug kampanya alang sa luwas ug hapsay nga pagbiyahe sa mga motorista sa General Santos City ug sa tibuok rehiyon.
Photo courtesy:HPG Gensan
