Nakadawat og tabang ang mga apektado sa sunog sa dakbayan sa Sugbo ug Mandaue, atol sa pagduaw ni Senador Christopher ” Bong ” Go.Una nga giduaw sa senador ang mga nasunugan sa Brgy. Labogon, dakbayan sa Mandaue, diin aduna’y kapin sa usa ka gatos ka mga benepisyaryo, nga nakadawat og financial assistance, grocery packs, water containers, vitamins, ug mga sinina.
Giduaw usab sa senador ang anaa sa 128 ka mga nasunugan sa barangay Mambaling sa dakbayan sa sugbo, diin iya usab nga gipanghatagan og tabang pinansyal, food packs, vitamins, ug uban pa, nga sarang magamit sa ilang inadlaw-adlaw nga mga panginahanglanon samtang anaa pa sa mga evacuation center.
Gipadayag sa senador ang iyang dakong pagpasalamat sa pagsalig sa mga sugbuanon ngadto kaniya bisan niadctong unang pagsud niya sa pulitika.
Samtang, gidasig niini ang mga nasunugan nga mupadayon lang gihapon sa ilang pagpaninguha ug mipasalig kini nga bukas ang iyang buhatan alang sa matag manginahanglan.
Photo Courtesy: Malasakit at Bayanihan
