Gipalig-on pa karon sa Cagayan de Oro City ang Anti-Bullying Ordinance human nga maaprubahan sa Konseho sa nilabayng sesyon ang ordinansa nga mag-amyenda sa nahisgutang ordinansa.
Sumala pa ni Konsehal Desiree Dahino, nanguna sa pagduso sa ordinansa nga ning kasamtangan, dili na lamang maglimita sa pagpamisikal ang bullying apan kaylap sab kini bisan diha sa social media kon cyberbullying.
Matud sa Konsehal, nagahitabo sab ang bullying dili lang sulod sa tunghaan apan bisan sa workplace kon trabahuan ug bisan mismong sa komunidad.
Tungod sobra dekada na ang orihinal nga Anti-Bullying Ordinance, gipunting ni Dahino ang panginahanglan nga mas palapdan kini ug mas palig-unon nga mas muhaom sa karon nga panginahanglan sa katawhan.
Buot sab sa Konsehal nga ang tanang mabiktima sa bullying diha man sa eskwehalan, trabahuan ug komunidad, adunay maduolan nga siguradong mutabang sa ilahang mga mulo ug reklamo.
Photo courtesy: CdeO City Council
