Nakakuha og atensyon ang usa ka bar sa Nagoya, Japan tungod sa ilang talagsaon nga serbisyo diin ang mga waitress mosagpa mismo sa nawong sa mga kustomer nga andam mobayad alang sa maong kasinatian. Ang singil sa maong bar nagkantidad nga 100 yen sa matag sagpa, ug mosaka kini ngadto sa 200 yen kon mas kusog nga sagpa ang gusto sa kustomer.
Tungod sa maong gimik, gidugok ug gibisita ang bar sa daghang tawo, lakip na ang mga langyaw nga turista nga gustong mosulay sa maong talagsaong serbisyo. Nakatabang kini sa pagdani og mas daghang kustomer ug pagpataas sa kita sa bar, diin ang ubang bisita namalik-balik pa gayud aron lang masagpaan pag-usab sa mga waitress.
Apan human makaangkon og grabeng pagsaway ug kontrobersiya sa social media, gipahibalo sa tagdumala sa bar nga ila nang opisyal nga gihunong ang maong serbisyo. Bisan pa sa paghunong niini, nagpabilin gihapon nga dako nga hisgotanan sa publiko ang maong talagsaong pamaagi nga layo kaayo sa naandan nga serbisyo sa mga bar.
Photo courtesy:NY Post
