Human sa mga hagit ug taas nga proseso, opisyal nang nahuman sa content creator nga si Zeinab Harake ug iyang bana nga basketball player nga si Bobby Ray Parks Jr. ang legal adoption sa ilang mga anak nga sila si Lucas ug Bia, pinaagi sa tabang sa National Authority for Child Care o NACC.
Sa iyang bag-ong vlog, gipaambit ni Zeinab ang mga kalisdanan ug emosyonal nga kasinatian nga ilang naagian sa pagtuman sa mga dokumento ug kinahanglanon aron makompleto ang legal nga proseso sa adoption. Nagpasalamat usab ang magtiayon sa NACC, Regional Alternative Child Care Office ug mga social worker nga mitabang kanila.
Gilauman ni Zeinab nga pinaagi sa ilang kasinatian, mas daghang pamilya ang maengganyo sa legal nga adoption aron mapanalipdan ang katungod ug kaayohan sa mga bata.
Photo courtesy: Zeinab Harake & Bobby Ray Parks Jr / FB
