Aktibong miapil ang Magpet Municipal Police Station, sa pagpahigayon sa 4th Quarter National Simultaneous Earthquake Drill o NSED, kauban ang Municipal Disaster Risk Reduction and Management Office (MDRRMO) Magpet ug Bureau of Fire Protection (BFP) Magpet sa Magpet National High School.
Tumong sa maong kalihokan nga mapalig-on ang kahandam sa komunidad panahon sa linog, mapaayo ang kapasidad sa mga ahensya sa pagtubag sa emerhensiya ug mapalapdan ang kahibalo sa publiko bahin sa hustong mga pamaagi sa pagpanalipod sa kaugalingon atol sa linog. Pinaagi sa drill, gipraktis ang kahinungdanon sa pag-andam ug hustong pagtubag aron malikayan ang kalibog ug maminusan ang posibleng kadaot.
Sa kinatibuk-an, gipakita sa mga miapil nga ahensya ang ilang panaghiusa ug padayong paningkamot sa pagpalambo sa kultura sa kahandam sa kalamidad. Ilang tumong nga masiguro ang kaluwasan ug proteksyon sa matag lumulupyo, pinaagi sa kanunay nga pagbansay ug koordinasyon tali sa mga ahensya ug komunidad.
Photo courtesy: PNP Magpet Municipal Police Station
