Nasakmit sa LGU Makilala ang kampeonato sa 2026 Special Program for Employment of Students o SPES Summit sa Cotabato Province.
Nakuha usab sa LGU Antipas ang first runner-up, samtang second runner-up ang LGU Midsayap tungod sa ilang maayong performance, pagkamamugnaon ug aktibong partisipasyon atol sa kalihokan.
Gipahigayon ang summit pinaagi sa inisyatibo sa DOLE-12 Cotabato Field Office, inubanan sa Provincial Government of Cotabato ug PESO Managers and Job Placement Officers.
Pinaagi sa tema nga “Real Work, Real Wins: Young Lives Changed by SPES,” gihatagan og higayon ang mga SPES beneficiaries nga mapakita ang ilang mga talento, kasinatian ug mga nakab-ot pinaagi sa programa nga naghatag kanila og temporaryong trabaho ug oportunidad.
Photo courtesy: DOLE-12 Cotabato Field Office
