Patay ang upat ka tawo samtang 12 pa ang missing dihang midahili ang Avalanche sa Himlung Himal sa Manang District, Nepal.
Mokabat sa 14-ka miyembro sa rescue team ang nakaabot sa base camp sa bukid nga adunay gitas-on 7,126 metros, bisan pa sa lisod nga kahimtang sa panahon ug terrain, aron ipadayon ang pagpangita sa mga nawala.
Samtang, temporaryong nababagan sa mga debris sa baha ang Marsyangdi River sa Chame, nga nagpataas sa kabalaka sa posibleng kalit nga pagtaas sa tubig kung mabungkag kini.
Guba ug nadaot sa pagbaha ang mga tulay, kabalayan ug mga dalan sa pipila ka bahin sa Manang, hinungdan nga naglisod sa rescue ug relief operations.
Nagpabiling alerto ang mga awtoridad ug rescue teams samtang padayon ang assessment ug pagpangita sa mga missing.
Photo courtesy: The Indian Express
