Nag-viral sa social media ang video ni Kapitana Brenda Fernandez, diin makita siyang nagligid-ligid sa salog samtang nakataas ang duha ka tiil.
Mikaylap ang maong video human gipirmahan ni President Ferdinand Marcos Jr. niadtong Septiyembre 24 ang balaod nga gilugwayan ang Barangay ug SK Elections, nga naghatag og dugang nga panahon sa mga incumbent officials sa ilang pagserbisyo.
Matod ni Kapitana Brenda, malipayon siya sa dugang nga duha ka tuig tungod kay aduna pa siyay panahon nga ipadayon ug mahuman ang mga proyekto sa ilang barangay, lakip ang barangay hall, daycare center, solar streetlights, mga proyekto sa tubig ug kalsada, ug plano nga rescue vehicle.
Apan giklaro ni Fernandez nga ang maong viral video dili aktuwal nga reaksyon sa pagpirma sa balaod. Gi-record kini sa wala pa ang signing ug gihimo lamang isip social media content ug kalingawan samtang naa sila sa opisina sa Liga ng mga Barangay.
Taliwala pa niini, daghan ang nag-tandi sa iyang malipayong eksena sa balita bahin sa pagpalugway sa termino sa mga barangay officials.
