Duha ka engagement rings ang gihatag sa duha ka higayon nga Olympic gold medalist nga si Carlos Yulo ngadto sa iyang partner nga si Chloe San Jose, isip simbolo sa iyang gugma ug pagpasalamat sa iyang kauban sa kinabuhi.
Matud ni Yulo, dako ang papel ni Chloe isip usa sa iyang inspirasyon sa pagkab-ot sa makasaysayanong duha ka gold medals sa Olympics. Matud pa niya, si Chloe maoy iyang “gold medal sa kasingkasing,” hinungdan nga duha usab ka singsing ang iyang gihatag niini.
Gipadayag sa magtiayon ang ilang engagement niadtong Lunes, diin ilang gikumpirma nga engaged na sila sukad pa niadtong Disyembre 18, 2025.
Gipaambit usab sa magtiayon ang ilang kalipay sa maong espesyal nga yugto sa ilang relasyon, diin ang duha ka engagement rings nagsimbolo sa gugma, suporta ug pasalamat ni Yulo kang Chloe.
