Nagtanyag og P100 milyon sa social media personality ug negosyanteng si Rosmar Tan ang bisan kinsang makapamatuod nga nalambigit siya sa money laundering.
Sa pakighinabi niini sa programa nga Your Honor, hugot nga gipanghimakak ni Rosmar ang mga pasangil sa pipila ka netizens nga ilegal matod pa ang gigikanan sa ilang bahandi sa iyang bana nga si Jerome Pamulaklakin. Matud niya, bunga sa ilang kakugi ug paningkamot ang ilang mga negosyo ug kabtangan.
Dugang pa ni Rosmar, dili sila maapektuhan sa mga pasangil tungod kay nasayod sila sa tinuod nga gigikanan sa ilang panginabuhian ug dili gyud niya tugotan nga ang iyang mga anak makakaon gikan sa kuwarta nga nakuha sa dili matarong nga paagi.
Photo courtesy:IMDb
