Gibana-bana nga nasa 54 ka rehiyon ug lalawigan sa Pilipinas ang posibleng mag-atubang og grabeng krisis sa tubig ug hulaw sugod karong pagtapos sa tuig 2026 hangtod sa unang mga buwan sa 2027. Base sa El Niño Snapshot sa United Nations Office for the Coordination of Humanitarian Affairs o UNOCHA, unang maigo ang mga rehiyon sa Bicol ug Eastern Visayas una pa man kini mosangko sa Luzon, MIMAROPA, ug Metro Manila karong Enero 2027.
Sa pag-abot sa buwan sa Marso, gilauman nga masinati na usab ang tibuok epekto niini sa ubang bahin sa nasud, ilabina sa Western Visayas, Central Visayas, ug sa tibuok isla sa Mindanao. Gipasidan-an sa mga eksperto nga kining maong matang sa klima magdala og dakong kadaot sa mga pananim, kakulang sa suplay sa tubig sa mga panimalay, pagsaka sa presyo sa mga palaliton, ug pagkalhit sa mga balatian nga may kalabotan sa init.
Isip tubag niini, gihimo sa gobyerno ang paglalaan og pondo nga nagkantidad og $123.2 milyon alang sa disaster response, lakip na ang pagdeklarar og state of calamity sa 109 ka lokalidad. Tumong niini nga matabangan ang gibanabanang 4.6 ka milyon nga mga manggagawa sa sektor sa agrikultura ug pangingisda nga apektado sa maong kalamidad.
Photo courtesy: x.com
