Mahimo na karong masuta sa mga kawani sa gobyerno ang kahimtang sa pagproseso sa ilang 2024 Performance-Based Bonus (PBB) pinaagi sa online tracker nga gilusad sa Department of Budget and Management (DBM).
Gilangkuban sa tracker ang 315 ka ahensya sa gobyerno ug makita dinhi ang compliance sa mga dokumento, evaluation ug processing status, mga kulang nga requirements, ug pagpagawas sa pondo.
Matud sa DBM, dili dayon maproseso ang tanang aplikasyon alang sa PBB tungod kay kinahanglan una nga isumite, susihon ug beripikahon ang mga dokumento sa matag ahensya.
Makita usab dinhi ang pinakabag-ong beripikadong update ug ang sunod nga lakang nga angay buhaton sa matag ahensya.
Mahimong susihon ang status sa PBB pinaagi sa link nga bit.ly/DBM_PBBTracker.
Photo courtesy: DBMgovph
