Giangkon ni Tagum City Fire Marshal FCINSP. Esequil Tabon ang kapalpakan sa duha ka personnel sa Bureau of Fire Protection (BFP) nga wala makapasirit og tubig atol sa ilang pagresponde sa sunog sa Barangay San Miguel, Tagum City, niadtong miaging semana. “We can’t deny, but of course we’ll accept our failure,” matud pa ni Tabon, nga miangkon nga dili nila ikalimod ang nahitabong kapakyasan ug andam silang modawat sa responsibilidad niini.
Gilauman nga palawman pa ang pagsusi sa BFP sa maong insidente aron matino ang ensakstong hinungdan sa kapalpakan ug malikayan ang susamang kahimtang sa umaabot nga mga operasyon sa pagpalong sa sunog.
Giklaro usab ni Tabon nga sanglit nahitabo na ang maong problema, makonsiderar na kini nga sala tungod responsibilidad kini sa mga kawani nga anaa sa maayong kondisyon ang truck panahon sa pagresponde.
Sa pagkakaron na-relieved na ang duha ka nahisgutang kawani gikan sa ilang pwesto gumikan sa pagpatuman sa mga internal policy sa maong buhatan.
