Dead On Arrival Ya Declara El Attending Physician Del Regional Medical Center Na Pasobolong Con El Un Pedestrian 63 Años Abuelo Ya Identifica Amo Si Juaried Musuarie Sahibun, Des Del Barangay Buenavista, Este Des Pues Accidentalmente Puede Con Este Hace Banga El Motorista Ya Conuse Amo Si Jem Tristan Kong Lim.
Mientrastanto Na Report Ta Aparece, Que Antes Pa De Ocuri El Insidente, Ya Anda Segun El Abuelo Na Tiange Caminando Para Compra Carne De Manok, Donde Derefente Ya Lang Segun Ya Aparece El Motorista Que Vien Corre Y Nohay Precusyon Estava Na Caneler Presa Para Na Direcsyon Del Barangay Muti, Y Accidentalmente Ya Man Banga Con El Victima.
Ademas Ya Precura Pa Lleva Con El Victima Na Ospital Pero Po Nohay Suerte Ya Despisi Siempre Este Por Causa Con El Fuerte Impact, Y Este Maga Tiempo El Motorista Y Motorsiklo Na Custodia Ya Del Police Station 2 Curuan Para Na Propio Disposisyon.
