Arestado sang mga personahe sang Lebak Municipal Police Station, sa koordinasyon sa iban pa nga Law Enforcement Units, ang isa ka wanted person sa Barangay Kinodalan, Lebak, Sultan Kudarat sang Nobyembre 6, 2026. Ang nadakpan ginkilala sa alyas nga “Abdul”, 28 anyos, kasado kag isa ka mangingisda nga residente sang nasambit nga barangay.
Ang suspek nagapangatubang sang kaso nga Murder nga wala sang ginarekomendar nga piyansa, suno sa warrant of arrest nga gin-isyu sang Setyembre 20, 2024, ni Hon. Felix Factor Mesa, Assisting Judge sang Regional Trial Court Branch 19 sa Isulan, Sultan Kudarat.
Suno sa kapulisan, ang operasyon resulta sang koordinasyon sang nagkalain-lain nga law enforcement units bilang kabahin sang ila padayon nga kampanya batok sa mga wanted person kag pagmintinar sang kalinong kag kahilwayan sa komunidad.
Photo courtesy: PNP Lebak Municipal Police Station
