Nakabaton sang national recognition ang Lupong Tagapamayapa sang Barangay Upper Katungal, Tacurong City, matapos makuha ang 1st Runner-Up award sa Outstanding Lupong Tagapamayapa Incentives Awards para sa Component kag Independent Component Cities Category.
Ang pagpasidungog ginpangunahan sang Department of the Interior and Local Government ukon DILG bilang pagkilala sa maayo nga pagpatuman sang Katarungang Pambarangay kag pagresolbar sang mga away sa komunidad paagi sa malinong nga pamaagi.
Opisyal nga ginpresentar ang plaque of recognition sang Nobyembre 5, 2026, sa PNP National Headquarters, Camp Crame. Ang pagkilala ginpaangot sa pagpanguna ni Barangay Chairperson Hon. Joey P. Columbres, upod ang mga opisyal sang barangay, mga mediator kag pumuluyo nga nagbuligay para sa pagpalapnag sang hustisya kag paghidait sa komunidad.
Photo courtesy: City Government of Tacurong
