Nakakuha sang madamo nga mga pasidungog ang mga student filmmaker sang Sultan Kudarat State University ukon SKSU sa 2nd PelikulAgraryo 2026 Regional Awarding Ceremony nga ginpatigayon sang Nobyembre 5, 2026, sa South Cotabato Gymnasium and Cultural Center sa Koronadal City.
Sa ARB category, nakuha sang pelikula nga “Panublion,” nga gindirehe nanday Kevin Carl Estrella kag Bon Angelo Defiño, ang Best Film, Best Screenplay kag Best Editing.
Samtang, ang pelikula nga “Yuhom” sa ARBO category, nga gindirehe ni Alexairiane Melonie O. Mosqueda, nagdaug sang Second Best Film, Best Screenplay kag Best Actress nga nakuha ni Mitch Micah Alico.
Gin-organisar ang patigayunon sang Department of Agrarian Reform Regional Office 12. Ginpaabot ni SKSU President Atty. Cyrus E. Torreña ang iya pagpanginbulahan sa mga estudyante kag production team, bangud sa ila talento, pagpanikasog kag pagpakita sang makahulugan nga mga istorya tuhoy sa Agrarian Reform kag mga komunidad sini.
Photo courtesy: Sultan Kudarat State University
