Nagtipon sang pwersa ang Department of Trade and Industry ukon DTI Sultan Kudarat kag Land Bank of the Philippines ukon LANDBANK agud mapalapad ang oportunidad sang mga Micro, Small, and Medium Enterprises ukon MSMEs nga makakuha sang pinansyal nga bulig para sa pagpauswag sang ila negosyo.
Pormal nga ginpirmahan ang Memorandum of Agreement sang Nobyembre 5, 2026, sa DTI Sultan Kudarat Provincial Office sa Tacurong City.
Ginrepresentar ni DTI Acting Provincial Director Eddie S. De Asis ang DTI, samtang si Ricardo Raphael P. Jamorabon III, Head sang LANDBANK Sultan Kudarat Lending Center, ang nagrepresentar sa bangko.
Sa idalom sang kasugtanan, magahatag ang LANDBANK sang financing assistance sa mga kwalipikado nga MSMEs, samtang ang DTI, pinaagi sa Negosyo Centers, magahatag sang business advisory, bulig sa dokumento kag credit readiness assessment.
Pinaagi sa sini nga partnership, ginapaabot nga mas madamo nga lokal nga negosyante ang makakuha sang kapital kag oportunidad nga mapauswag ang ila mga negosyo.
Photo courtesy: DTI Sultan Kudarat
