Nagsinapol ang 6th Field Artillery Battalion ukon 6FAB sang Philippine Army sa Tacurong City Police Station agud mapalig-on ang kooperasyon kag koordinasyon sa tunga sang duha ka ahensya.
Ang pagbisita ginpatigayon sa idalom sang supervision ni LTC Jeffrey S. Ferrer, bilang pagpakita sang suporta sa pagpadayon sang maayo nga relasyon sang Armed Forces of the Philippines kag Philippine National Police.
Suno sa Tacurong City Police Station nga ginapangunahan ni PLTCOL Nestor M. Maderse Jr., importante ang paghiusa kag pagbinuligay sang mga uniformed personnel sa pagmintinar sang kalinong kag kahapsay.
Pinaagi sa mas mabakod nga partnership, ginapaabot nga mas mapauswag ang koordinasyon kag pagserbisyo agud masiguro ang seguridad kag kaluwasan sang mga pumuluyo sa Syudad sang Tacurong.
Photo courtesy: PNP Tacurong City Police Station
