Nagpagawas og public advisory ang Davao Norte Police Provincial Office (DNPPO) batok sa mga dili awtorisadong Facebook account nga nagpakaaron-ingnon nga mao ang Chief sa PNP.
Gipahimangnoan sa kapulisan ang publiko nga dili makig-interact, motubag sa mga mensahe, o mohatag og personal nga impormasyon ngadto sa maong mga account nga walay opisyal nga pagtugot. Gipatin-aw usab sa PNP nga ang opisyal nga Facebook page sa ilang buhatan mao ang Office of the Chief PNP, nga adunay blue verification badge.
Giawhag ang publiko nga susihon pag-ayo ang mga social media account aron malikayan nga mabiktima sa pagpangilad ug pagpangawat sa personal nga impormasyon.
Alang sa dugang nga tabang o pagreport sa insidente, mahimong motawag sa emergency hotline nga 911.
Photo Courtesy: DNPPO
