Gipataas sa National Food Authority (NFA) sa P30 kada kilo ang buying price sa limpyo ug uga nga humay, dungan sa pagpalapad sa volume nga posibleng ibaligya sa matag mag-uuma.
Matud ni NFA Administrator Larry Lacson, anaa sa 80% sa mga ahensya ang nipalit ug humay sa kantidad nga P30 kada kilo, samtang P28 usab ang pinakaubos nga presyo.
Giilisan na usab sa ahensya ang kanhing limitasyon nga 200 ka bags sa matag mag-uuma, ug gipasaka kini hangtod sa 500 ka bags kada cropping season, depende sa kalapad sa umahan sa mga mag-uuma.
Tumong sa maong lakang nga mapataas ang kita sa mga magsasaka ug mapakusog ang suplay sa bugas sa gobyerno, ilabina sa posibleng hulga sa very strong El Niño.
Target sa NFA nga makapalit sa 790 ka libo nga metric tons sa humay karong 2026 ug bisan sa musunod pang mga tuig alang sa rice reserves ug mga programang ayuda sa gobyerno.
Photo courtesy: DA
