Mius-os og lima ka porsyento ang kinatibuk-ang kantidad sa abot sa agrikultura ug panagat sa Pilipinas sa ikatulong kwarter sa tuig, nga maoy nailang pinakaubos nga lebel sulod sa 11 ka tuig.
Sumala sa Philippine Statistics Authority (PSA), kini tungod sa bati nga panahon ug taas nga presyo sa mga gikinahanglan sa pagtanom ug panagat.
Sa labing bag-ong datos sa PSA, ang kantidad sa abot sa uma (gamit ang constant 2018 prices) natagak sa ₱389.42 bilyon gikan sa Hulyo hangtod Septiyembre, mas ubos kompara sa ₱410.04 bilyon sa susamang panahon sa miaging tuig.
Kini ang pinakaubos nga natala sukad niadtong 2015 nga nitala lang og ₱386.04 bilyon.
Kini nga pagkunhod maoy mibali sa 2.9 porsyento nga pagsaka niadtong ikaduhang kwarter, ug gikonsiderar nga pinakagrabe nga pag-usos sukad gisugdan sa PSA ang pag-monitor niini niadtong tuig 2000.
Alang sa unang siyam ka bulan sa tuig, ang kinatibuk-ang abot miabot lang sa ₱690.19 bilyon, mas ubos og tulo ka porsyento gikan sa ₱712.51 bilyon sa miaging tuig.
Photo Courtesy: DA
