Gihangyo sa inahan ni anhing Barangay Kapitan Oscar “Dodong” Bucol Jr. ang kapulisan ug National Bureau of Investigation nga dili hunongon ang imbestigasyon sa pagpatay sa iyang anak.
Sa iyang mensahe sa social media, mihangyo kini kang PNP Chief General Jose Melencio Nartatez Jr. ug sa NBI Special Investigation Task Group nga paningkamotan ang pagkab-ot sa hustisya.
Nakigkita usab ang pamilyang Bucol kang PRO 11 Acting Regional Director Police Brigadier General Benigno Guzman aron masayran ang kalamboan sa imbestigasyon.
Samtang, usa ka motorcade ang gikatakdang ipahigayon sa Barangay Tres de Mayo, Digos City, karong Nobyembre 25, atol sa unang anibersaryo sa pagpatay sa kapitan, isip paghinumdom ug pagpakita sa suporta sa pamilya.
Photo courtesy: Taga Sta Maria Davao Oriental ko| fb page
