Nipahimangno ang kagamhanan sa Siyudad sa Talisay pinaagi sa Talisay City Health Office kabahin sa mga posibleng sakit nga makuha sa panahon sa ting-init nunot sab sa gilaumang Super El Niño nga matud pa molungtad hangtud sa sayong bahin sa sunod tuig, 2027.
Matud ni Talisay City Health Officer Dr. Rey Cesar Bautista nga usa sa mga gibantayan nga sakit nga dala sa grabeng kainit mao ang sakit nga conjunctivitis o mas naila nga piskat nga giila usab nga makatakod.
Ang maong sakit molungtad ngadto sa lima kaadlaw hangtud sa usa ka semana ug sagad kining manakod kung padung na nga maayo.
Giawhag sab ni Bautista ang publiko nga mas maayo nga magpabilin sulod sa panimalay kung dili man importante ang lakaw labi na sugod sa alas 9 sa buntag hangtud sa alas 3 sa hapon.
Photo Courtesy:Medindia
