Nahimong sentro sa diskusyon sa social media ang social media personality nga si Xander Ford human niya ianunsiyo ang iyang serbisyo nga “Boyfriend for Rent” nga nagkantidad og ₱25,000 sulod sa pito ka adlaw.
Pinaagi sa iyang Facebook post niadtong nakalabay nga adlaw, gipahibalo ni Xander nga mahimong abangan siya isip boyfriend sulod sa usa ka semana. Dili lamang mga Pinoy ang iyang gi-awhag nga mahimong kliyente kondili apil usab ang mga langyaw sama sa mga Korean, Thai, Japanese ug Chinese.
Sa iyang komento sa maong post, giklaro ni Xander nga nanginahanglan lamang siya og panginabuhian ug andam siyang mahimong uyab sa iyang kliyente sulod sa gitakdang pito ka adlaw. Matod pa niya, walay personalan sa maong transaksiyon.
Tungod niini, nag-ani og nagkalainlaing reaksiyon ug komento gikan sa mga netizen ang iyang bag-ong paagi sa pagpangita og kita, diin ang uban nagpakita og interes samtang ang uban naghatag og mga komedya nga komento bahin sa iyang tanyag.
Photo Courtesy: Abs Quimma/ Xanderarizala| FB
