Tulo ka oil tanker ang gikataho nga nasunog sa managlahi nga insidente samtang naglawig sa Strait of Hormuz ug Gulf of Oman niadtong Sabado ug Domingo.
Matud sa Islamic Revolutionary Guard Corps (IRGC) sa Iran, ang mga tanker miagi sa ruta nga wala nila tugoti, apan wala hinganli ang mga barko ug ang ilang mga nasud nga gigikanan.
Sa laing bahin, gikumpirma sa usa ka British maritime agency nga usa ka tanker ang nasunog duol sa Khasab, Oman, hinungdan nga gipabakwit ang mga tripulante niini.
Gikataho usab sa state media sa United Arab Emirates nga 22 ka tripulante ang naluwas gikan sa usa ka nasunog nga barko sa Gulf of Oman.
Sa karon, nagpabiling hugot ang kontrol sa Iran sa pag-agi sa mga barko sa Strait of Hormuz sukad nagsugod ang gubat niini batok sa Iran sa ulahing bahin sa Pebrero.
