Giabi-abi sa Cagayan de Oro City Council ang mga miyembro sa Vice Mayors’ League of the Philippines (VMLP) kagahapong adlawa, atol sa regular nga sesyon.
Kini alang sa ipahigayong tulo ka adlaw nga VMLP Convention nga magsugod karong adlawa, November 10-13 dinhi sa dakbayan sa Cagayan de Oro.
Ang delagasyon gipangunahan ni VMLP National President Atty Maynard Francis Bumanglag gikan Ilocos Norte kung asa gibana-bana nga mukabat sa kapin 850 ka mga Vice Mayors ang mutambong sa pinakaunang kombensyon nga ipahigayon dinhi sa dakbayan.
Sumala pa ni Atty Bumanglag nga dili lang ang kombensyon ang ilahang gituyo dinhi sa Cagayan de Oro apan buot nilang masuroy ug masinati ang syudad.
Ginalauman nga daghang ang mahisgutan atol sa panagtigom nga kahinguhaan og kahibalo aron nga makatabang sa pagpamuno dili lang sa Cagayan de Oro apan alang na sa tanang mutambong ug delegado.
Photo courtesy: CdeO City Council
