Nadakpan sa mga otoridad ang 38-anyos nga lalaki kinsa giilang Top 2 Most Wanted Person sa lebel sa lalawigan pinaagi sa gipahigayong joint police operation niadtong Nobyembre 5, 2026, mga alas-11:00 sa gabi sa may Zone 3, Barangay Lunocan, lungsod sa Manolo Fortich. Giila ang nasikop nga si Elder Dave Mensedor Purisima, minyo ug residente sa maong dapit.
Gidakop ang suspek pinasikad sa Warrant of Arrest nga gipagawas niadtong Oktubre 26, 2026 alang sa 6 counts sa Qualified Rape nga walay girekomendar nga piyansa, 4 counts sa Qualified Sexual Assault nga adunay piyansa nga ₱480,000.00, ug 6 counts sa Acts of Lasciviousness nga adunay piyansa nga ₱648,000.00.
Gilusad ang maong operasyon gipahigayon sa mga personahe sa Manolo Fortich Municipal Police Station ug 1st Provincial Mobile Force Company (PMFC), uban sa pakig-alayon sa Provincial Intelligence Unit (PIU).
Sa karon, temporaryong nakakostudiya sa Manolo Fortich MPS ang dinakpan alang sa tukmang disposisyon.
Photo courtesy: Manolo Fortich PNP
