Gibati sa dakong kalisang ang nasod sa Poland human nga usa ka 24- anyos nga Polish nga suspek ang nagpahinabo og mass shooting sa Main Market Square sa syudad sa Krakow Poland niadtong Sabado, nga mikalas sa kinabuhi sa 6 ka indibidwal ug laing 17 pa ang nasamdan sa maong insidente.
Subay sa taho daling miresponde ang kapulisan ug gidakop ang maong gunman sulod lang sa tulo ka minuto human nadawat ang report.
Gipadayag ni Interior Minister Marcin Kierwinski nga padayon pa ang imbestigasyon apan lig-on ang pagtulun-an nga naapektohan ang suspek sa far-right nga ideolohiya.
Dugang pa niini, napalgan usab sa kapulisan ug sa Internal Security Agency (ABW) ang laing tulo ka patayng lawas sa balay sa suspek sa Ostrowiec Swietokrzyski—nga gilauman nga iyang mga pamilya—kauban ang daghang mga armas ug bala sulod sa iyang sakyanan ug sa iyang panimalay.
Tungod sa maong trahedya nga giisip nga pinakangilngig nga pag-pamusil sa kasaysayan sa maong nasod, nagdeklarar si President Karol Nawrocki og National Mourning niadtong Nobyembre 8 ug 9, samtang padayon usab ang mga pagpadayag og kasubo ug pakigduyog sa mga lider sa Uropa lakip na ang Ukraine ug European Union sa maong panghitabo.
Photo courtesy: REUTERS/Jakub Porzycki
