Nadepensahan sa Filipino boxer nga si Pedro “Kid Heneral” Taduran ang iyang IBF minimumweight world championship human napildi ang giilang undefeated boxer nga taga-Spain nga si Brandon Moreno pinaagi sa unanimous decision kagahapon Nobyembre 8, 2026 didto sa Kiva Auditorium sa Albuquerque, New Mexico.
Dominante ang kadaogan sa Pinoy southpaw diin ang tulo ka mga hurado nagkahiusa sa pagpabor kaniya—usa ang nihatag og 120-108 ug ang duha nitala og 115-113—hinungdan nga si Taduran nagpabilin nga nag-inusarang Pilipino nga nagkupot og world boxing title sa pagkakaron.
Gidiktahan ni Taduran ang dagan sa away sugod pa lang sa unang round gamit ang iyang grabeng pressure ug kombinasyon sa kumo, diin bisan pa man naningkamot si Moreno sa tunga-tunga nga bahin, gikapoy kini sa ulahi gumikan sa walay puas nga atake sa kampeon.
Sa paggiya sa iyang corner pinaagi ni coach Joven Jimenez ug kanhi IBF kampeon Jerwin Ancajas samtang wala ang iyang regular trainer nga si Carl Peñalosa, misaka na ngadto sa 21-4-1 (14 KOs) ang rekord ni Taduran human sa iyang ikaupat nga sunod-sunod nga malampusong pagdepensa sa 105-pound nga bakus, samtang si Moreno nakatilaw sa iyang unang pildi ug natagak ang rekord sa 16-1.
Photo courtesy: FightnewsAsia| FB Viva Promotions
