Patay ang usa ka 37-anyos nga lalaki nga empleyado sa Kagamhanang Lokal sa Quezon human gibanhigan sa wala mailhing suspetsado sa Purok 4, Barangay Libertad, sa lungsod bandang alas 2:30 sa kaadlawon karong adlawa Nobyembre 6, 2026
Subay sa imbestigasyon sa Quezon Municipal Police Station, nagpauli na gikan sa iyang duty sa munisipyo ang biktima sakay sa iyang itom nga Yamaha XTZ nga motorsiklo (Plate No.483KZM) dihang gisundan, giharang sa duol sa katubhan, ug gidul-itan pagpusil sa liog sa nag-inusarang suspetsado
Sumala sa mga residenti sa maong lugar, nakadungog sila og duha ka motorsiklo ug tingog sa boto sa armas sa wala pa paspas nga misibat ang suspetsado paingon sa direksyon sa Barangay Salawagan.
Gidala pa ang biktima sa Quezon Health Center Infirmary, apan gideklarar na kining Dead on Arrival (DOA) sa attending physician. Nakuha sa crime scene sa kapolisan ang duha ka bala, usa ka slug, ug usa ka basiyo sa bala nga gituohang gikan sa caliber .45 nga armas.
Gilayon nga gipatuman kapolisan sa Quezon ang Oplan Shied ug containment ring alang sa hot pursuit operation samtang padayon pa ang imbestigasyon aron mailhan ang suspetsado ug masuta ang motibo sa krimen.
Photo courtesy: Quezon Municipal Police Station
