Gipahigayon sa Kagamhanang Lokal sa Dakbayan sa Valencia, uban sa pakigtambayayong sa People in Need (PIN), ang culmination activity sa 12 ka bulan nga pagpatuman sa Phase 2 sa Strengthening Resilience through Early Action and Impact Mitigation Early Warning System (STREAM-EWS) Project niadtong Oktubre 2026.
Ang maong proyekto, nga gisuportahan sa GSMA Innovation Fund alang sa Anticipatory Humanitarian Action gikan sa UK International Development, nagtumong sa pagpalig-on sa lokal nga early warning system batok sa baha ug paghatag og igong kapabilidad ug teknolohiya sa mga komunidad sa Valencia City ug lungsod sa San Fernando, Bukidnon.
Pinaagi sa maong inisyatiba, nakapahigayon og mga teknikal nga pagbansay para sa mga personnel sa City Disaster Risk Reduction and Management Office (CDRRMO), nakapa-instalar og mga water-level sensor ug Automated Weather Stations (AWS) para sa real-time nga pag-monitor, ug nag-update sa mga contingency plan.
Gipaila usab ang Application-to-Person (A2P) messaging platform aron direktang makadawat og paspas nga weather advisories ug flood warnings sa ilang mga cellphone ang mga residente, diin atol sa culmination activity nga gitambongan sa LGU, DILG, ug BFP, gipresentar ang mga nakab-ot nga maayong resulta ug ang pagbansay sa early warning dashboard ug SMS alert system.
Photo courtesy: LGU – Valencia City
