Nasikop ang 33-anyos nga lalaki human sa pagpatuman sa Search Warrant pinaagi sa hiniusang pwersa sa Makilala MPS-MDEU, 1st CPMFC ug CPPO-PPDEU, alas 11:00 sa buntag niadtong Nobyembre 6, 2026, sa Purok 34, Barangay Poblacion, Makilala, Cotabato. Gipangulohan ang operasyon ni PLTCOL Tristan Vergel J. Sablada, Chief of Police sa Makilala MPS, diin ang suspek gidakop tungod sa giingong paglapas sa Section 11, Article II sa Republic Act 9165 o Comprehensive Dangerous Drugs Act of 2002.
Narekober atol sa operasyon ang tulo ka heat-sealed plastic sachet nga adunay gidudahang shabu, nga mitimbang og gibana-bana nga usa ka gramo ug adunay standard drug price nga P6,800, lakip ang ubang mga butang nga may kalabotan sa kaso. Gisiguro sa mga otoridad nga husto ang pag-imbentaryo ug pagmarka sa mga nakumpiskang ebidensya, diha sa presensya sa gikinahanglang mga saksi, ug ipailawom kini sa tukmang eksaminasyon.
Samtang, gipasalig sa Makilala MPS nga ipadayon niini ang kampanya batok sa ilegal nga droga aron mapalig-on ang kalinaw og kaluwasan sa komunidad ug makatampo sa paghimo sa usa ka komunidad nga walay illegal nga droga.
Photo courtesy: MAKILALA MPS
