Giklaro sa Iligan City Police Office (ICPO) nga dili bomba ang mibuto sa Purok 11, Caritas Village, Upper Tominobo, Iligan City niadtong Nobyembre 5, 2026, kondili pagbuto nga resulta sa pag-eksperimento og mga kemikal alang sa paghimo og firecracker.
Sumala kang Police Major Zandrex Panolong, tigpamaba sa ICPO, duha ang naangol sa insidente human nag-eksperimento og mga kemikal ang 34-anyos nga lalaki nga gideklarang nakabsan sa kinbuhi.
Miresponde ang kapolisan, BFP ug mga disaster response team, samtang gisusi ug gilimpyohan sa EOD-K9 ang lugar aron maseguro nga walay nahibiling delikadong kemikal.
Gipahinumdoman usab ang publiko nga likayan ang pag-eksperimento ug pagsagol og mga kemikal alang sa firecracker aron malikayan ang susamang insidente.
