Ipahigayon sa City Veterinary Office sa lokal nga panggamhanan sa Iligan ang libreng mass rabies vaccination drive sa nagkadaiyang barangay karong Nobyembre 2026 aron mapanalipdan ang mga iro ug iring batok sa rabies.
Lakip sa mga barangay nga serbisyohan mao ang Hinaplanon, Bonbonon, Upper Hinaplanon, Digkilaan, Sta. Filomena ug Rogongon gikan Nobyembre 4 hangtod 25. Pinaagi sa Serbisyo Caravan, bisitahon usab ang Puga-an, Ubaldo Laya, Tubod, Villaverde, San Miguel ug Lanipao gikan Nobyembre 5 hangtod 26.
Giawhag ang mga tag-iya sa iro ug iring nga dad-on ang ilang mga binuhi aron makabenepisyo sa libreng bakuna isip kabahin sa responsableng pag-atiman sa hayop ug paglikay sa pagkaylap sa rabies.
Photo courtesy: LGU Iligan
