Gipalig-on ni Zamboanga Sibugay Police Provincial Office Provincial Director PCOL Barnard Danie V. Dasugo ang koordinasyon ug panag-uban tali sa kapulisan ug lokal nga panggamhanan sa lungsod sa Kabasalan pinaagi sa courtesy visit kang Municipal Mayor Hon. Katrina Balladares.
Kauban ni PCOL Dasugo sa maong pagbisita sila si PMAJ Christopher A. Singson, Chief of Police sa Kabasalan Municipal Police Station, ug PMAJ Afghanni B. Montud, Chief sa Police Drug Enforcement Unit o PDEU.
Nahimong higayon ang maong pagbisita aron hisgutan ang nagkadaiyang mga butang nga may kalabotan sa peace and order, kaluwasan sa publiko, pagpugong sa krimen ug uban pang mga programa nga nagkinahanglan sa hugot nga koordinasyon tali sa kapulisan ug lokal nga panggamhanan.
Gihisgutan usab ang pagpalig-on sa kasamtangang relasyon ug pag-ila sa mga lakang nga mahimong hiniusang ipatuman aron matubag ang mga panginahanglan ug kabalaka sa mga residente sa lungsod.
Samtang, gipasalig sa ZSBPPO nga magpadayon ang ilang paningkamot sa pagpalambo sa mas malinawon ug luwas nga komunidad pinaagi sa bukas nga komunikasyon, panaghiusa ug aktibong kooperasyon sa mga lokal nga lider.
