Nagpahayag ang 102nd Infantry (Igsoon) Brigade sa ilang padayong pasalig sa pagpanalipod sa kagawasan sa pamamahayag o press freedom, pagpalambo sa responsable nga pamamahayag ug pagpalig-on sa panag-uban tali sa militar ug media.
Gipasiugda sa brigada ang kamahinungdanon sa pagtahod, transparency ug pagsalig isip pundasyon sa maayong relasyon tali sa duha ka sektor. Tumong niini nga mapalambo ang matinud-anong paghatag og impormasyon ug masiguro nga adunay igo ug kasaligan nga kahibalo ang publiko sa nagkalain-laing isyu.
Pinaagi sa lig-on nga panag-uban sa militar ug media, gilauman nga mas mapadayon ang kamatuoran, kalinaw, seguridad ug kalamboan sa komunidad.
