Nadakpan ang duha ka wanted persons sa nagpadayong kampanya sa Cotabato Police Provincial Office (CPPO) batok sa mga personahe nga may kinahanglang atubangon nga kaso.
Base sa report, ang maong mga suspetsado naaresto atol sa operasyon gikan alas-6:00 sa buntag, Nobyembre 4, hangtod alas-6:00 sa buntag, Nobyembre 5, 2026. Kabahin kini sa ilang padayong pagpatuman sa mga warrant of arrest aron masuta ug madakpan ang mga indibidwal nga giaprobahan nang dakpon sa korte.
Samtang, nakarekober usab ang kapulisan og duha ka loose firearms atol sa usa ka operasyon batok sa mga ilegal nga armas, diin usa ka indibidwal ang nadakpan. Sumala sa CPPO, usa ka operasyon ang nahimo kalabot niini sulod sa 24-oras.
Padayon ang ilang kampanya batok sa mga wanted persons ug ilegal nga armas isip kabahin sa pagpalig-on sa kalinaw ug seguridad sa probinsya sa Cotabato.
Photo courtesy: PNP Cotabato Police Provincial Office
