Giklaro sa Regional Anti-Cybercrime Unit 10 nga dili makalikay sa responsibilidad ang mga tag-iya sa anonymous accounts kung mapamatud-ang sila ang nagpakaylap og sayop nga impormasyon nga makadaot sa dungog sa usa ka tawo, lakip na ang mga politiko.
Matud ni PCPT Alkhaizer H. Ibrahim, Chief sa Digital Forensic Section sa RACU-10, mahimong mag-atubang og silot nga dili moubos sa unom ka tuig nga pagkabilanggo ang indibidwal nga mapamatud-ang nakahimo og character assassination ug uban pang pangdaot ubos sa ubos sa Republic Act No. 10175 o ang Cybercrime Prevention Act of 2012.
Gipasiugda niini ang pahimangno sa publiko nga magmatngon sa ilang gipatik ug gipaambit sa social media, kay ang paggamit og tinagong identidad dili garantiya nga makalikay sa balaod.
Photo courtesy: PNP-Anti Cybercrime Group 10
