Gisuspenso sa gobyerno ang excise tax sa liquefied petroleum gas o LPG ug kerosene aron mapagaan ang epekto sa pagsaka sa presyo sa petrolyo tungod sa gubat sa Middle East.
Sumala sa Malacañang, hingpit nga gisuspenso ang excise tax sa LPG, gawas kung gamiton kini isip raw material sa paghimo og petrochemical products o isip pangpadagan sa makina. Apil usab sa suspension ang kerosene, gawas kung gamiton isip aviation fuel.
Gibanabana nga mokabat sa P3 kada kilo ang mahimong bawas sa presyo sa LPG tungod sa suspensyon sa buhis. Matod ni Presidente Ferdinand Marcos, awtomatikong mobalik ang excise tax human sa tulo ka bulan, o usa ka semana human mokanaog ubos sa 80 dolyar kada baril ang one-month average sa Dubai crude oil.
Gihimo ang lakang samtang nag-atubang ang nasod sa taas nga presyo sa krudo ug hulga sa nationwide transport strike sa mga bus operators tungod sa epekto sa fuel prices sa ilang operasyon.
Photo courtesy: Petron
