Gitutokan sa administrasyon ni Pangulong Ferdinand Marcos Jr. ang pagpangita og bag-ong tinubdan sa enerhiya aron masiguro ang igong suplay sa lana ug kuryente sa nasud. Matod sa Pangulo, nakahatag na ang gobyerno og 14 ka bag-ong Petroleum Service Contracts alang sa eksplorasyon sa lana, natural gas ug native hydrogen.
Lakip usab sa mga lakang sa gobyerno ang Philippine Gradiometry and Seismic Survey Project nga nagtumong sa pag-ila sa mga lugar nga posibleng adunay mga reserba sa enerhiya.
Samtang, naghatag usab ang Department of Energy (DOE) og special allowances ngadto sa mga service contractor nga nagpalambo sa gas development sa mga hilit nga lugar aron modaghan ang mga kompanyang moduso sa eksplorasyon sa enerhiya sa nasud.
Photo courtesy: GeoExpro
