Gilaumang makasinati og grabeng hulaw ang tanang probinsya sa Eastern Visayas sugod Pebrero 2027 hangtod Abril sa maong tuig tungod sa epekto sa Very Strong El Niño sa tropical Pacific.
Base sa pinakabag-ong banabana sa Department of Science and Technology–Philippine Atmospheric, Geophysical and Astronomical Services Administration (DOST-PAGASA), pipila na ka probinsya sa rehiyon ang nakasinati sa nagkadaiyang lebel sa kakulang sa pag-ulan. Niadtong Oktubre 2026, grabeng kakulang sa ulan ang nasinati sa Samar ug Leyte, samtang dugay-dugay nga kakulang sa pag-ulan ang nasinati sa Southern Leyte, Biliran ug Northern Samar.
Alang sa Nobyembre 2026, gilauman ang grabeng kakulang sa ulan sa Samar, Leyte ug Southern Leyte; dugay nga kakulang sa ulan sa Biliran ug Northern Samar; ug kakulang sa ulan sa Eastern Samar. Sa Disyembre 2026 ug Enero 2027, gilauman usab ang grabeng kakulang sa ulan sa Northern Samar, Samar, Biliran, Leyte ug Southern Leyte, samtang kakulang sa ulan ang gipaabot sa Eastern Samar.
Pagsugod sa Pebrero 2027, gilaumang masinati na sa tanang probinsya sa Eastern Visayas ang grabeng kakulang sa pag-ulan nga posibleng magpadayon hangtod Abril 2027.
Gipasabot nga ang kakulang sa ulan mao ang unang lebel sa pagkunhod sa pag-ulan, samtang mas dugay ug mas grabe kini panahon sa dry spell. Ang drought o tagtuyot mao ang grabeng kakulang sa pag-ulan nga molungtad sa taas nga panahon.
Tungod niini, giawhag ang publiko nga magmatngon sa paggamit sa tubig, magtipig niini ug mangandam sa posibleng epekto sa El Niño. Giawhag usab ang tanan nga kanunayng mosubay sa mga pahibalo sa PAGASA ug sa lokal nga panggamhanan.
Posibleng maapektuhan sa dugay nga kakulang sa ulan ang suplay sa tubig, produksyon sa agrikultura ug panginabuhian sa mga lumulupyo.
Photo courtesy: Hazardscope EV
