Gipaningkamotan sa Department of Health (DOH) Center for Health Development Eastern Visayas nga iprayoridad ang paghatag og direktang serbisyong medikal ug panglawas ngadto sa mga Indigenous Peoples (IP) pinaagi sa gilusad nga caravan alang sa IP health.
Sumala kang Arlyn R. Perlado, ang program manager for Indigenous People, swerte kaayo sila tungod sa pakigtambayayong sa nagkalain-laing ahensya sama sa Provincial TESDA sa Samar, kinsa naghatag og mga serbisyo sa pag-groom sama sa haircut, manicure, ug pedicure alang sa mga komunidad.
Gawas niini, gipangunahan usab sa DOH ang ilang mga eye health program nga naglangkob sa eye examinations, eye screening, ug ang pagpanghatag og libreng eyeglasses ug mga cane alang sa mga IP ug mga Pantawid Pamilyang Pilipino Program (4Ps) beneficiaries nga nagpuyo sa ilang mga komunidad.
Gihatagan usab og pagtagad ang pag-apod-apod sa mga bitamina sama sa B-complex ug Vitamin C (Ascorbic Acid), lakip na ang pag-andam sa nagkalain-laing gamay nga commodities aron masiguro ang maayong kahimtang sa panglawas sa mga IP ug 4Ps beneficiaries sa rehiyon.
Photo courtesy: DOH EASTERN VISAYAS
