Dakpan ang duha ka lalaki atol sa hiniusang buy-bust operation sa kapulisan ug Philippine Drug Enforcement Agency (PDEA) sa Purok Matinabangon C, Barangay Kingking, Pantukan, Davao de Oro, alas-1:30 sa kaadlawon niadtong Huwebes November 6, 2026.
Giila ang mga dinakpan sa alyas “Bai,” 31-anyos, ug “Jeno,” 32-anyos. Nakuha gikan kanila ang pipila ka sachet sa gituohang shabu, improvised glass tube tooter, ug usa ka .45 caliber Norinco pistol nga adunay magasin ug 11 ka buhing bala.
Gikustodiya na ang duha sa Pantukan Municipal Police Station samtang giandam ang inquest proceedings batok kanila tungod sa posibleng paglapas sa RA 9165 o Comprehensive Dangerous Drugs Act ug RA 10591 o Comprehensive Firearms and Ammunition Regulation Act.
