Nadakpan sa mga kapulisan sa Ormoc City Police Station 4 ang usa ka wanted person nga giilang si alyas Jay,” 41-anyos, minyo ug residente sa Barangay Dayhagan, ning dakbayan tungod sa kasong Swindling o Estafa atol sa gipahigayong operasyon sa mga kapulisan didto Barangay Linao, Ormoc City niadtong nakalabay nga adlaw.
Sumala sa imbestigasyon sa kapulisan, gipahigayon ang pagdakop pinasikad sa warrant of arrest nga gipagawas sa korte niadtong Oktubre 9, 2026, diin gitakdang mokabat sa 10 mil pesos ang girekomendar nga piyansa alang sa iyang temporaryong kagawasan.
Human sa pagdakop, gipahibalo sa suspek ang hinungdan sa iyang pagdakop ug ang iyang mga katungod subay sa balaod. Samtang, anaa na sa kostodiya sa kapulisan ang suspek alang sa dokumentasyon ug hustong disposisyon sa kaso.
Photo courtesy: OCPS 4
