Magpatuman og 60-adlaw nga temporaryong pagdili sa pag-import og baboy ang Department of Agriculture (DA) ubos sa Department Order No. 33 nga gipagawas niadtong Nobyembre 7.
Matud ni Agriculture Secretary Francisco Tiu Laurel Jr., apil sa gidili ang fresh, chilled ug frozen nga karne sa baboy, bone-in ham ug shoulders, ubang bone-in cuts, ingon man mga lamang-loob ug atay.
Tumong sa maong lakang nga panalipdan ang lokal nga industriya sa baboy nga giingong nakarehistro og kapin ₱28 bilyon nga kapildihan tungod sa pagsulod sa barato nga imported pork ug pag-ubos sa farmgate prices.
Moepekto ang mando 15 ka adlaw human kini mapatik sa mantalaan. Ipadala usab kini sa Bureau of Customs alang sa pagpatuman niini.
Gipahibalo usab sa DA nga sunod sa import ban ang plano nga ipataas ang taripa sa imported pork.
Photo Courtesy: Media meter
