Opisyal nang gisugdan ang 2026 Mayor’s Cup Basketball ug Volleyball Tournament sa dakbayan sa Sugbo sa Cebu City Sports Center. Miabot sa 95 porsiyento ang partisipasyon sa mga barangay sa maong kompetisyon nga magpadayon hangtod sa unang semana sa Disyembre ug ipahigayon sa nagkalain-laing venue sa dakbayan.
Matod ni Cebu City Sports Commission Executive Director Rafael Alcoseba, ang torneyo gituyo aron makakompleto sa mga sports program sa Sangguniang Kabataan ug maghatag og kompetisyon sa mas hamtong nga edad.
Duha ka kategoriya ang basketball, alang sa nag-edad og 25 hangtod 34 anyos ug 35 anyos pataas. Samtang ang volleyball adunay men’s ug women’s division alang sa 18 anyos pataas.
Gipahigayon usab atol sa opening ceremony ang Miss Cebu City Mayor’s Cup diin gikoranahan isip kampiyon ang representante sa Barangay Inayawan.
Gilauman nga mahuman ang kompetisyon sa unang semana sa Disyembre, diin ang mga duwa ipahigayon sa nagkalain-laing covered court ug sports facilities sa dakbayan.
Photo Courtesy:Nestor Archival|fb page
