Mitubo og 2.1 porsiyento ang ekonomiya sa Pilipinas sa ikatulong quarter sa 2026 nga mas ubos kumpara sa 2.4 porsiyento sa samang panahon sa miaging tuig. Sumala sa Philippine Statistics Authority (PSA), miresulta kini sa hinay nga pagtubo sa Gross Domestic Product (GDP) sa nasud.
Matud ni Department of Economy, Planning and Development Secretary Arsenio Balisacan, nangunang hinungdan niini mao ang mahal nga presyo sa pagkaon ug enerhiya, pagkadaot sa produksyon sa agrikultura tungod sa mga bagyo ug habagat, ug huyang nga pamuhunan.
Mitubo lamang og 2.4 porsiyento ang konsumo sa mga panimalay, samtang mikunhod og 4.8 porsiyento ang sektor sa agrikultura. Nilabaw usab sa 17 porsiyento ang pag-ubos sa produksyon sa palay ug mais, nga nakaapekto sa kita sa mga mag-uuma ug suplay sa pagkaon.
Sa unang siyam ka bulan sa 2026, 2.5 porsiyento lamang ang kinatibuk-ang pagtubo sa ekonomiya sa Pilipinas.
Photo courtesy: PIDS
