Gihatagan og kahibalo bahin sa mental health ug luwas nga paggamit sa internet ang mga representante sa kabataan gikan sa 18 ka barangay sa San Carlos City atol sa seminar niadtong Nobyembre 10 sa Consuelo Alger Community Center. Gipasiugdahan sa Local Council for the Protection of Children (LCPC) ang kalihokan isip kabahin sa ika-34 nga National Children’s Month.
Gituki sa seminar ang paglikay sa sayop nga impormasyon, responsableng paggamit sa internet ug pagpanalipod sa mga bata batok sa online sexual abuse ubos sa Republic Act 11930.
Matod ni LCPC Secretariat Officer Lavern Rigor, tumong sa kalihokan nga masangkapan ang kabataan sa kahibalo sa mental health ug online safety ug ipaambit kini sa ilang tagsa-tagsa ka barangay.
Photo courtesy: San Carlos City, Neg. Occ. -LGU Information Page
